Actividades

Nadal Latinoamericano: sincretismo e tradicións

Mércores 20 de decembro, 19.00h

Os Encontros Americanos na Granell chegan ao seu peche en 2023. Para despedir este ciclo arredor da cultura, da historia e da realidade política latinoamericana, propoñemos unha actividade centrada nos costumes, singularidades e diversidade do Nadal en América Latina. Relatores de Brasil, Cuba, Chile, México e Venezuela afondarán no sincretismo e na evolución histórica das tradicións latinoamericanas do Nadal, trazando dinámicas compartidas e singularidades nacionais. O músico venezolano Umberto Guillén Trujillo acompañará as intervencións con composicións festivas de cada país.

XIX Certame de Arte Escolar Eugenio Granell “Xoga con Granell”
21 Decembro 2023 – 14 Xaneiro 2024
Patrocina TÓRCULO

A finalidade deste Certame, que se ven realizando desde o ano 2004, é impulsar a creación plástica entre os escolares, polo que, ademáis dos premios que concede o xurado, a Fundación Eugenio Granell organiza unha exposición coas obras presentadas ao concurso, que este ano tivo lugar entre o 21 de decembro de 2023 ao 14 de xaneiro de 2024..

A Fundación Eugenio Granell celebra os aniversarios de Eugenio Granell e Amparo Segarra cunha xornada de portas abertas nas que poderán visitarse as exposiciones que temos na actualidade na segunda e primeira planta do museo.

Conservación (en verde)

16 novembro – 16 decembro

A área de conservación-restauración do museo está a realizar nos últimos anos, dentro da celebración do Día Internacional do Patrimonio, unha serie de exposicións de carácter divulgativo: Instinto de Conservación (2016); Luz versus “Conservación” (2017); Km de Conservación (2019), co obxectivo de facer máis accesible conceptos e accións relacionadas co patrimonio e a súa protección.

“Pasado e presente da economía cubana (1959-2023)”

Manuel de la Iglesia, José Antonio Alonso, Liliam Bori

Martes 28 de novembro, 19.00h

Co motivo do centenario do nacemento de Regino Boti, ministro de economía no goberno cubano nado da Revolución e testemuña privilexiada dos enfrontamentos que deron lugar á invasión da Praia Girón en 1961, a mesa redonda aborda a evolución económica de Cuba desde o momento no que se efectuaron, de acordo coas propostas de CEPAL, os primeiros intentos para industrializar o país ata a actualidade, deténdose nos principais momentos de cambio e nos posibles escenarios que se debuxan cara ó futuro.

Novo cine mexicano e comunidades indíxenas

Horacio Alcalá, cineasta

Proxección do filme Finlandia e conferencia-conversatorio co seu director
26 de outubro de 2023, 18.00h

Sinopsis de Finlandia: En Oaxaca existe unha comunidade que non ten medo a desafiar os conceptos de identidade e xénero chegando ao mais fondo das súas paixóns a través do contacto coa terra que coidan: As muxes. Non son nin homes nin mulleres. Son unha comunidade unida baixo a vibración da terra que senten atracción polas vibracións humanas sen importar o xénero e adoitan desenvolver tarefas tradicionalmente femininas como a cociña, a artesanía ou a costura. Confeccionan roupa tradicional zapoteca que visten. Este grupo chama a atención dunha importante marca de roupa que envía a unha deseñadora de moda a Oaxaca para comprar a man de obra das muxes.
Con todo, nada é o que parece na terra das muxes. O tremor que acosa a Oaxaca desde fai anos terminará nun sismo real que fará que as muxes desafíen o seu destino e acaben curando a súa alma.

Impartido por Manuela Díaz Abreu

• Días: mércores 20, 27 septembro; mércores 4, 11, 18, 25 outubro; mércores 8, 15, 22, 29 novembro.
• Horario: 18.00h a 19.00h
• Custo: Gratuíto.
• Idade: Desde 18 anos

A través dos encontros irase avanzando na construción de cada personaxe ate completar a experiencia da creación do mesmo. E logo mergullarse no xogo co resto de compañeiros, converténdose nunha actividade totalmente lúdica.

A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.

A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.

A Fundación Eugenio Granell
organiza a Maratón de Lectura.

Terá lugar o 31 de Maio.

Nesta ocasión adícase a María Casares e o seu pai Santiago Casares Quiroga