Actividades

Conferencia: Chile entre o estalido social e os 50 anos do golpe

Mércores 20 de novembro, 19.00h

Os feitos ocorridos en Chile no marco do denominado estalido social de 2019 aínda forman parte da discusión pública do país. As súas consecuencias materiais e políticas non foron totalmente superadas, sobre todo, en relación ás demandas que dito evento puxo sobre a mesa e que, no fundamental, non alcanzou aínda un amplo consenso dentro da sociedade. Os dous procesos constituíntes falidos (2022 e 2023) son unha mostra significativa do anterior. No medio destas conxunturas produciuse a conmemoración dos 50 anos do golpe militar de 1973. A data encontrou a un país máis dividido e polarizado, onde os discursos que relativizaban as violacións dos dereitos humanos e enaltecían a figura de Pinochet tiveron unha presencia significativa no espacio público.

A Fundación Eugenio Granell
organiza o Maratón de Lectura.

Terá lugar o 27 de Novembro.

Nesta ocasión dedícase ao libro de contos de Eugenio Granell “Federica no era tonta y otros cuentos”

Conferencia: Desprazamento forzado. O éxodo das caravanas migrantes na Centroamérica actual

Mércoles 30 de outubro, 19.00h

Outubro de 2018 marca un detonante no comportamento do desprazamento forzado na rexión centroamericana. Miles de persoas organizáronse e partiron dende San Pedro Sula (Honduras)para cruzar México coa intención de chegar a Estados Unidos de América. O fenómeno a gran escala deste fluxo social e que aínda continúa, resulta dunha multicausalidade: a violencia estrutural polo crime organizado, os estados de excepción, feminicidios, ausencia de oportunidades laborais, economías excluíntes e desastres naturais que viven os pobos centroamericanos. A conferencia expón como as causas deste paradigma de mobilidade humana cuestiona o concepto tradicional de migración para entender a complexidade de carácter bio e necropolítico. Ao mesmo tempo preséntanse as repercusións das políticas antimigrantes que negan estes actos de desfronteirización no éxodo do centro e sur ao norte de América.

A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.

Conferencia: Javier Milei e a emerxencia da dereita radical en Arxentina

Mércores 18 de setembro, 19.00h

Sen estrutura partidaria nin redes territoriais, Javier Milei, líder de La Libertad Avanza, triunfou nas eleccións presidenciais arxentinas de novembro de 2024. A pesares do avance das novas dereitas a nivel global, a súa vitoria sorprendeu a políticos, analistas, periodistas, intelectuais e académicos locais. ¿Como comprender a aparición da dereita radical no país? ¿Cales son as súas características políticas e culturais? A conferencia recorre as condicións históricas que fixeron posible a chegada de Milei ao Poder Executivo. Á vez, interroga as súas diferencias e similitudes con outras dereitas do mundo, os seus vínculos co resto das forzas partidarias, a súa proposta cultural, a súa concepción do estado e da política, e a adhesión que concita o seu liderado. Con todo isto, búscase explorar as mutacións políticas que implica o fenómeno, e a súa novidade en relación á cultura democrática que rexe en Arxentina desde 1983.

A Fundación Eugenio Granell prepara un proxecto expositivo para o que nos gustaría contar coa túa colaboración.

Trátase dunha instalación dunha artista contemporánea galega que se inaugurará o 27 de xuño, e estará exposta ata o 29 de setembro.

Para desenvolver esta obra, necesitamos a túa colaboración ou doazón de diferentes tipos de plantas.

Consultar bases en documento pdf

BASES

O 7 de xuño a Biblioteca da Fundación Eugenio Granell celebra o Día Internacional dos Arquivos (#IAW2024 9 xuño) cunha visita guiada ao arquivo persoal de Eugenio Granell.
Un percorrido pola súa vida a través do seu legado documental.
A visita será ás 13.00h e é necesario reservar praza no correo biblioteca@fundacion-granell.org xa que o aforo é limitado.

A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.
Esta actividade está aberta a calquera persoa interesada tanto na Fundación como na arte ou na figura de Eugenio Granell, contando tamén coa participación de persoas relacionadas con diversos ámbitos como a arte, a educación ou a comunicación.

Xoves 25 de abril, 19.00h

Carme López (O Incio, 1992) é intérprete, docente e investigadora do campo da música de tradición oral galega; Doutora por la UDC cunha tese sobre o canto tradicional feminino en Galicia, profesora da USC (Área de Expresión Musical – CC.EE) e da E-trad de Vigo (Canto popular).

‘Quintela’ é o disco debut de Carme López e o primeiro traballo de música experimental para gaita galega, influenciado por compositoras como Éliane Radigue, Pauline Oliveros ou Kali Malone.

Conferencia: “As violencias no Ecuador de hoxe: Algunhas claves para entender a crise”

Mércores 24 de abril, 19.00h

A situación de violencias en Ecuador ocupou a atención pública e os principais titulares de noticias nos últimos meses, sobre todo, porque, non hai moitos anos, era considerado como unha “illa de paz” na rexión latinoamericana. Se ben a transmisión da toma dun medio de comunicación, a comezos de 2014, foi o evento que desvelou a gravidade do asunto ao mundo, a crise de seguridade foi evolucionando nos últimos anos, configurando un “territorio do crime” (Carrión 2024) que estase a combinar coas xeografías doutras violencias nas cidades e no rural, como as do extractivismo que atenta contra os pobos campesiños e indíxenas e os seus territorios.

Neste contexto, a charla navegará por algunhas claves multiescalares, estruturais e de conxuntura, para contribuír á discusión e a reflexión sobre esta crise que parece ser non soamente un asunto de Ecuador.