Actividades

Impartido por Dolores Villaverde Solar



A biblioteca está aberta a que as persoas investigadoras expoñan nela o resultado das súas investigacións. Con este obxectivo naceu a actividade “Charlas na biblioteca” que este ano iníciase o vindeiro mércores, 28 de febreiro, ás 19.00h coa conferencia  Philip West: el surrealismo y el símbolo impartida  por Dolores Villaverde Solar. Doutora en Arte pola USC. Profesora na Universidade da Coruña.

Con este título, nos achegaremos ao artista británico Philip West (York, Reino Unido, 1949 – Zaragoza 1997) a través dunha selección de obras do autor datadas nos anos 80 do século pasado, época na que West se instala en España e inicia a súa amizade con Eugenio Fernández Granell.

A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.

Impartido por Manuela Díaz Abreu

• Días: marzo, abril, maio, xuño
• Día: martes
• Horario: 17.00h a 18.30h

O taller de montaxe teatral está dirixido a persoas que desexen representar unha obra de teatro, sen importar se teñen experiencia ou non. Traballaremos sobre a posta en escena dunha comedia de teatro, ensaiaremos as escenas por separado e a creación dos seus personaxes. Para completar a experiencia representaremos a obra ante o público ao finalizar os encontros.

Impartido por Manuela Díaz Abreu

• Días: marzo, abril, maio, xuño
• Día: martes
• Horario: 18.30h a 19.30h

A través dos encontros irase avanzando na construción de cada personaxe ate completar a experiencia da creación do mesmo e logo mergullarse no xogo co resto de compañeiros, converténdose nunha actividade totalmente lúdica.

A FUNDACIÓN EUGENIO GRANELL con motivo do Día Internacional dos Museos a Fundación organiza:

— Xornada de portas abertas.

— A miña peza favorita.

— Visita conservada. Outra maneira de ver un museo.

— Presentación bold.

Acción: Conservación preventiva in situ
Martes, 23 de xaneiro.
11:00h – 13:00h.

Xoves, 25 de xaneiro.
16:30h – 18:30h.

Co motivo do Día Internacional do Restaurador de obras de arte (27 de xaneiro), a taller de conservación e restauración do museo vai realizar as labores de preventiva das exposicións dos fondos da Fundación, en horario de apertura ao público para xerar unha oportunidade no visitante de observar parte das tarefas que se levan a cabo nesta área. O persoal técnico do museo resolverá as súas curiosidades, dúbidas sobre o seu traballo e as obras expostas.

Conferencia: Reggaetón e latinidade en España

Mércores 24 de xaneiro, 19.00h

A música, entendida como práctica cultural, é un vehículo para vivir as identidades. Neste senso, fenómenos musicais trasnacionais como o reggaetón permítennos interrogar as tensións que emerxen da herdanza colonial española nos territorios hispanoamericanos. No seu desenvolvemento comercial a comezos do século, o reggaetón codificouse como música latina, unha categoría que, ao chegar a España, foi asimilada como válida. Así, observarase a construción da latinidade a través do reggaetón no contexto español.

14 Decembro, 2023 – 7 Xaneiro, 2024


Como todos os anos, nas datas de Nadal, na entrada do Museo, mostramos un Belén realizado coas pezas pertencentes aos fondos da Colección Étnica da Fundación Eugenio Granell.

Nadal Latinoamericano: sincretismo e tradicións

Mércores 20 de decembro, 19.00h

Os Encontros Americanos na Granell chegan ao seu peche en 2023. Para despedir este ciclo arredor da cultura, da historia e da realidade política latinoamericana, propoñemos unha actividade centrada nos costumes, singularidades e diversidade do Nadal en América Latina. Relatores de Brasil, Cuba, Chile, México e Venezuela afondarán no sincretismo e na evolución histórica das tradicións latinoamericanas do Nadal, trazando dinámicas compartidas e singularidades nacionais. O músico venezolano Umberto Guillén Trujillo acompañará as intervencións con composicións festivas de cada país.

XIX Certame de Arte Escolar Eugenio Granell “Xoga con Granell”
21 Decembro 2023 – 14 Xaneiro 2024
Patrocina TÓRCULO

A finalidade deste Certame, que se ven realizando desde o ano 2004, é impulsar a creación plástica entre os escolares, polo que, ademáis dos premios que concede o xurado, a Fundación Eugenio Granell organiza unha exposición coas obras presentadas ao concurso, que este ano tivo lugar entre o 21 de decembro de 2023 ao 14 de xaneiro de 2024..