Actividades

Conferencia: Mulleres Bravas: defendendo o común en Galicia e Honduras

Xoves 5 de marzo, 19.00h

Mulleres Bravas é un proxecto conxunto de Amigas da Terra e Enxeñería sen Fronteiras como punto de encontro entre activistas de Honduras e Galicia. O proxecto aposta por tecer redes de solidariedade, recoñecendo o papel das mulleres como defensoras do territorio. Nas conversas fálase de modelo produtivo, de sostíbilidade e de igualdade, entendendo que a defensa ambiental é tamén unha cuestión de xustiza social. As experiencias do Sur Global e do rural galego dialogan. Mulleres Bravas non é só un proxecto: é un tecido vivo de voces, afectos e aprendizaxes compartidas.

Conferencia: Do entroido « bárbaro » aos « divertimientos civilizados » en Uruguai

Xoves 26 de febreiro, 19.00h

Como manifestación social, o Entroido adáptase ás convulsións do tempo e só existe exercendo a súa crítica sobre o curso do mundo e sobre os poderosos do momento. Durante ese período, os individuos expóñense antes de retirarse ao seu universo íntimo, manifestan comportamentos inusitados caracterizados por un desencadeamento de feitos e palabras, unha verdadeira dislocación da orde social marcada por unha ruptura coas costumes e a moral establecida. Marcado pola alegría, o Entroido permite todas as liberdades porque, tradicionalmente, incitaba á xente a cometer maiores atrevementos, incluso en tempos de guerra ou de crise política, e revelaba os demos da personalidade oculta, como os da colectividade reprimida nos seus actos, como un xardín das delicias. Pero, que caracterizaba sobre todo a época da sensibilidade “bárbara” en Uruguai? Como evolucionou este Entroido ata converterse nun espectáculo que a poboación ofrécese a si mesma?.

Conferencia: Venezuela na encrucillada

Esta conferencia terá lugar na Facultade de Xeografía e Historia

Resumo: a extracción do presidente Nicolás Maduro por medio dunha intervención militar o 3 de xaneiro pasado coloca a Venezuela, a súa relación con Estados Unidos, e a América Latina e o Caribe, nunha encrucillada. Como chegaron ambos países a esta situación? Como pode afectar esta intervención ao futuro político de Venezuela e o dos seus países veciños? Cales poderían ser os vindeiros pasos de Estados Unidos en Venezuela e na rexión? Esta charla busca expor algunhas reflexións analíticas desde o campo das Relacións Internacionais sobre unha situación en desenvolvemento cun desenlace que é incerto.

Tres, dous, un, acción. Conservación in situ
Martes, 27 de xaneiro.

11:00 – 12:00

12:30 – 13:30

Co motivo do Día Internacional do Restaurador de obras de arte, a sección de Conservación-Restauración realizará as labores de preventiva das exposicións en curso dos fondos da Fundación, acompañados do público interesado, xerando unha oportunidade no visitante de observar parte das tarefas que se levan a cabo cando o museo está pechado. O persoal técnico do museo resolverá as súas curiosidades, dúbidas etc. sobre o seu traballo e as obras expostas.

Gloria Rico e Tyler McKechnie

Martes 20 xaneiro, 12.00h



Actividade que presenta o museo como espazo de experimentación, a través de proxectos relacionados e contextuais, xerando  contidos a través de  proxectos que fagan do museo un espazo de creación e un punto de conexión dende diferentes axentes e propostas  para acoller unha ampla diversidade de públicos.


O vindeiro martes 20 de xaneiro, teremos un ensaio aberto de teatro inmersivo como parte da Fábrica Nº 6 con Tyler McKechnie de @oistes_teatro e Gloria Rico de @teatroenpunto.

Presentación O CORPO DE MEDUSA. REFLEXIÓNS SOBRE HISTORIA CONTEMPORÁNEA. DEMOCRACIA E CORPO.

Xoves 13 novembro, 19.00h



O ESCRITOR PRESENTOUSE NA CIDADE DE BERLÍN, MADRID, CIDADE DE MÉXICO E AGORA EN SANTIAGO DE COMPOSTELA.



“O concepto de democracia está esgotado e é o corpo o primeiro territorio onde exércense e séntanse as liberdades, os límites e as violencias do sistema. Nun sistema equitativo, todos os corpos deberían ter igual valor, dignidade e acceso aos dereitos fundamentais: saúde, educación, traballo e liberdade de expresión. Non obstante, o sistema tende a someter aos corpos, especialmente aos máis vulnerables. Aínda que o concepto de democracia promove a igualdade, implicitamente esa idea de sistema basease en impoñer xerarquías que o contradín”. Gabriel Muleiro.