Private: Blog

Presentación O CORPO DE MEDUSA. REFLEXIÓNS SOBRE HISTORIA CONTEMPORÁNEA. DEMOCRACIA E CORPO.

Xoves 13 novembro, 19.00h



O ESCRITOR PRESENTOUSE NA CIDADE DE BERLÍN, MADRID, CIDADE DE MÉXICO E AGORA EN SANTIAGO DE COMPOSTELA.



“O concepto de democracia está esgotado e é o corpo o primeiro territorio onde exércense e séntanse as liberdades, os límites e as violencias do sistema. Nun sistema equitativo, todos os corpos deberían ter igual valor, dignidade e acceso aos dereitos fundamentais: saúde, educación, traballo e liberdade de expresión. Non obstante, o sistema tende a someter aos corpos, especialmente aos máis vulnerables. Aínda que o concepto de democracia promove a igualdade, implicitamente esa idea de sistema basease en impoñer xerarquías que o contradín”. Gabriel Muleiro.

Presentación do libro Arte dexenerada Galega de Blanca Paula Rodríguez Garabatos

Martes 4 novembro, 19.00h



Premio Manuel Murguia de Ensaio 2023


Acompañando á autora na presentación estará Encarna Otero, historiadora e política.

Conferencia: Rutas emerxentes: a inmigración recente en Uruguai (2009 – 2023)

Xoves 27 de novembro, 19.00h

Uruguai é un país marcado por movementos migratorios de ida e volta que, nun mundo cada vez máis globalizado, responden tanto a desaxustes económicos provocados polo sistema capitalista como a situacións de persecución por diversas razóns. A inmigración, pasada e presente, é parte desa realidade. A chegada de inmigrantes a Uruguai desde 2009 ata hoxe proveñen principalmente de rexións de orixe non tradicionais, como República Dominicana, Venezuela e Cuba. Tamén crece o fluxo de arxentinos e de migrantes doutros países de América Latina; en menor medida chegan da América Anglosaxona, Europa, Asia e África. Nese encontro exploraremos as características dos principais continxentes migratorios que chegaron ao país desde 2009 ata a actualidade, moitos dos que foxen non só de problemas económicos, senón tamén de persecucións de tintura política.

A Fundación Eugenio Granell
organiza o Maratón de Lectura.

Terá lugar o 26 de Novembro.

Este ano 2025 coa celebración do 30 Aniversario da Fundación, e tendo en conta que o Maratón de lectura é unha das actividades iniciadas ao comezo da nosa traxectoria, queremos facer un maratón especial dedicado a todas aquelas persoas, asociacións, institucións que estiveron participando todos estes anos e que contribuíron coa súa colaboración ao éxito da actividade. Destacando unha especial homenaxe ao amigo Xoán Xosé Fernández Abella que nos acompañou coas súas lecturas en moitas das ocasións.

Conferencia: Nomear as ausencias no México presente

Mércores 29 de outubro, 19.00h

Este Encontro busca colocar no centro do debate o fenómeno da ausencia. En México persiste a ausencia de persoas e tamén de narrativa, polo que asistimos ao aparente triunfo do indicible. Faltan ferramentas para explicar que é e como debemos nomear a ausencia, o ausente. Exporase como familiares cun ser querido desaparecido a nomearon, cales foron as metáforas empregadas para dar sentido a ese sensentido, para explicarse e explicarnos a experiencia ante a ausencia. Analizarase como esas metáforas articularon para os familiares de desaparecidos un sentido, unha identidade, detonado mobilizacións e accións de resistencia, tanto nos espacios privados como nos espacios públicos. E se reflexionará sobre os riscos de uso e a excesiva lexicalización desas metáforas tanto a corto, mediano e largo prazo en termos de esclarecemento, verdades, xustiza e reparacións.

Conferencia: Folklore hispanoamericano: Un mesmo idioma con moitos acentos

Mércores 24 de setembro, 19.00h

As músicas de raíz que percorren a América hispana poden entenderse como árbores diferentes, nados en territorios afastados, pero alimentados polas mesmas raíces. A través dunha charla musical, proponse un percorrido sonoro e reflexivo polos ritmos que, malia a súa diversidade, dialogan nun idioma compartido. Da chacarera arxentina ao son xarocho mexicano, pasando polo vals peruano ou a cueca chilena, a viaxe pon de manifesto como cada pobo soubo imprimir un acento propio sobre unha tradición común.A proposta busca dar conta da riqueza estética destes folclores, así como iluminar as súas conexións históricas e culturais. A música aparece aquí como un lugar de encontro, capaz de revelar que a diversidade non separa, senón que fortalece o vínculo entre territorios e comunidades. Nun tempo de fragmentación e fronteiras, este diálogo musical invita a recoñecernos nas coincidencias profundas que nos unen.

Como parte das charlas divulgativas “A vangarda arrebatada” sobre a vida e a obra de Francisco Miguel, e Syra Alonso, organizadas pola Deputación da Coruña e a Asociación pola Recuperación da Memoria Histórica (ARMH), preséntase esta xornada en Santiago na Fundación Eugenio Granell.