Viva luceiro da alba. Perfomance de Sergio Marey
Martes 28 maio, 19.00h
A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.
Esta actividade está aberta a calquera persoa interesada tanto na Fundación como na arte ou na figura de Eugenio Granell, contando tamén coa participación de persoas relacionadas con diversos ámbitos como a arte, a educación ou a comunicación.
Sergio Marey
Dende novo formouse en música tradicional galega para máis tarde licenciarse en Deseño de Moda. Dende o comezo renega da parte comercial da moda buscando sempre que esta se vexa como unha arte.
Así, actualmente, defínese como un artista multidisciplinar que traballa téxtil, fotografía, audiovisual, poesía, instalación… Sempre cunha visión de colectividade, pois gústalle desenvolver as súas obras en conxunto con outras artistas.
Este afán pola reivindicación da arte, da súa descentralización, a visibilidade de novas artistas e a colectividade lévano a fundar en 2020, a galería de arte Solaina, en Lugo, unha galería centrada nas novas artistas do país.
