Intervén: Iván Moure
Martes 9 Maio, 19.00h
A Miña Peza Favorita iniciouse no ano 1997 e consiste en seleccionar unha peza, entre todas as que forman parte das coleccións da Fundación Eugenio Granell, para que o invitado elabore un comentario persoal cunha nova visión desde unha perspectiva actual.
Esta actividade está aberta a calquera persoa interesada tanto na Fundación como na arte ou na figura de Eugenio Granell, contando tamén coa participación de persoas relacionadas con diversos ámbitos como a arte, a educación ou a comunicación.
Nesta ocasión contamos coa intervención de Iván Moure.
Iván Moure: Doutor pola Universidade de Santiago de Compostela coa tese “El Bestiario del Conde de Lautréamont: la invocación daliniana” 2011, dirixida polo Dr. Federico López Silvestre, e o Dr. Darío Villanueva Prieto. Profesor do Departamento de Historia da Arte na Universidade de Santiago de Compostela. Autor de máis de medio cento de publicacións nacionais e internacionais.
