12 abril – 10 xuño Salas 4 e 5. Primeira planta
Corpoética é unha mostra de poesía verbal, visual, obxectual, corporal, postal e audiovisual. Dividida en catro seccións temáticas, a primeira delas, UTOPÍAS, xira ao redor de visións surrealistas que derivan da pureza da infancia e da animalidade salvaxe. A sección de CORPOEMAS ten como eixo central a materia corporal en busca da liberdade e a liberación. Pola súa banda, CINEPOESÍA é o resultado da unión de fotogramas, textos ou fotografías desde o cinema mudo ao cinema de autor. Por último, HIDROMEMORIA constitúe unha homenaxe ao xenio surrealista Granell, ao pai do poeta e a todas as persoas perseguidas polo fascismo.
Claudio Rodríguez Fer naceu en Lugo en 1956. Dedica a súa carreira á produción literaria en xéneros como poesía, narrativa, teatro e ensaio. Así mesmo, exerce a docencia na Universidade de Santiago de Compostela (USC) na que ostenta a Cátedra José Ángel Valente de Poesía e Estética. É doutor Honoris Causa pola USC en 1999 e pola Universidade de Rennes en 2012. Entre as súas obras destacan: “Historia de la Luna” (1984); “La boca violeta” (1987); “Cebra” (1988); “A una mujer desconocida” (1997), e “Rastros de vida y poesía” (2000) en colaboración con Eugenio F. Granell. Ademais, a Fundación proporcionoulle obras inéditas de Granell, que formarían parte do seu poemario “Icebergs” (2015).
