Presentación dos traballos do 4 ao 15 de setembro.
Entrega de premios 19 de decembro ás 18.30 h
Exposición dos traballos 19 de decembro ao 12 de xaneiro
O Museo Eugenio Granell coa colaboración do Centro Comercial Área Central convoca o IX Certame de Arte Escolar Eugenio Granell.”Parabéns Granell! Feliz Cumple Granell!”
A finalidade do Certame é impulsar a creación plástica entre os escolares, polo que, ademáis dos premios que conceda o xurado, o Museo organiza unha exposición, do 19 de decembro de 2012 ao 12 de xaneiro de 2013, coas obras presentadas ao concurso.
Poderán concurrir a este Certame tódolos escolares residentes en Galicia de idades comprendidas entre 3 e 5 anos e entre 6 e 12 anos.
Neste IX Certame de Arte Escolar Eugenio Granell, invítase aos escolares a realizar obras-agasallo que reflexionen sobre a obra do artista, neste ano tan especial no que celebramos o centenario do seu nacemento (28 de Novembro do 1912), e no que, mostramos a súa obra e o seu legado a través das exposicións realizadas nas sedes culturais que colaboraron nesta celebración: O encontro na poética de Eugenio Granell na Fundación Cidade da Cultura, A colección étnica de Eugenio Granell no Museo do Pobo Galego, O surrealismo hoxe na Fundación Eugenio Granell, Eugenio Granell no paraíso centroamericano 1940-1956 no Auditorio de Galicia, O espello do pintor. Eugenio Granell nas coleccións institucionais galegas no Centro cultural Novacaixagalicia e, por último, Eugenio Granell. Unha película de veinte minutos no Centro Galego de Arte Contemporánea.