Mércores 21 outubro, 18.30h

Al calor de tu nombre é a nova novela de Selena Millares e parte dunha figura real, a de José Almoina, para levantar unha obra de grande ambición literaria sobre o século XX. Aínda que nace dun personaxe histórico, a novela non se limita a reconstruír unha biografía nin a ilustrar un período, senón que explora como a política irrompe na intimidade, como o amor intenta soster a vida baixo o terror e que prezo pagan os corpos e as conciencias cando a Historia deixa de ser pano de fondo e vólvese destino.

Mércores 30 setembro, 19.00h

Intervirán no acto:
María Lopo, Autora
Concha Lago, Pionera del MDM en Vigo
Jacobo Bermejo, Andavira Editora

A importancia fundacional da Alborada viguesa de 1966 resulta historicamente excepcional, posto que se trata, case con toda probabilidade, da primeira publicación clandestina de mulleres feita en Galicia baixo a ditadura franquista. Alén disto, os dous números que puideron ver a luz antes da caída da súa rede clandestina reveláronse dunha calidade e dunha modernidade extraordinarias.

Martes 29 setembro, 18.30h

Participarán no evento:
María Rozas, Concelleira de Dereitos e Servizos Sociais, Promoción Económica e Xuventude
Andrés Mayor, Presidente de Acción Visión España
Sofía Rendo González, óptica optometrista e autora del libro
Sabela Díaz, ilustradora do libro.

Presentará e coordinará a mesa: Lourdes Díaz, Presidenta da Asociación Tiresias Galicia

O xoves 24, ás 18h, a artista Roni Herrán presenta unha aproximación ao seu traballo recente obxecto de investigación durante a súa estancia.
A súa práctica artística articúlase principalmente desde a escultura e a transformación da materia, cunha especial vinculación a técnicas e procesos procedentes dos oficios.
Nos últimos anos, a súa investigación centrouse en cuestións relacionadas coa orixe, a identidade e a memoria, liñas que desenvolve en proxectos como Como ser…, onde reflexiona sobre a construción da identidade e sobre como a presión social, intensificada polas redes sociais, condiciona a forma en que nos vemos e configuramos a nosa identidade.